Momente tensioni dhe dëshpërimi janë shënuar në Gjykatën e Fierit, ku familjarët e 8-vjeçarit Mateo Vasiu kanë hyrë në ambientet e Gjykatës, duke thyer çdo gjë, pasi kërkojnë drejtësi për të voglin e tyre.
Prindërit e vogëlushit të ndjerë, bashkë me familjarë të tjerë kanë hapur derën me forcë, dhe janë përplasur dhe me punonjësit e policisë, ku kërkojnë të hyjnë në sallën e gjyqit. Jashtë dyerve të gjykatës ata janë shprehur të tensionuar para kamerave se kërkojnë që monstra Çalamani të dënohet me vdekje për krimin e bërë.
Thirrjes së familjarëve të 8-vjeçarit që u vra në mënyrë monstruoze nga Klodian Çalamani, për të protestuar para Gjykatës së Fierit, i janë përgjigjur qytetarë të ndryshëm dhe nxënës të shkollës, të cilët i janë bashkuar familjarëve jashtë dyerve të gjykatës.
Discussion about this post