Trajneri i Kombëtares U-21 ‘Shpresa’ Alban Bushi ka zhvilluar sot konferencë për mediat përpara ndeshjeve me Anglinë dhe Andorën për kualifikueset e Europianit 2023.
Teksa ka folur për ecurinë e ekipit, Bushi është shprehur se është hera e parë që kuqezinjtë renditen në vend të tretë në grupin e tyre.
“Jemi i vetmi ekip i ‘Shpresa’ që kemi zënë vend të tretë”-u shpreh Bushi.
Më tej teksa ka folur për ndryshimin e listës së lojtarëve, tekniku theksoi se këto janë gjëra që ndodhin në futboll pasi dëmtimet në shumicën e rasteve janë të pa evitueshme dhe theksoi se nuk ka në gjendje grupin më të mirë.
“Derisa janë 25 lojtarë edhe alternativat bëhen më shumë, nuk është se kemi grupin më të mirë kemi shumë mungesa. Në ekipin ‘Shpresa’ në çdo ndeshje kemi shumë lojtarë të rinj. Këtë radhë kemi vetëm dy stërvitje me ekipin që kemi në dispozicion. Lojtarët duhet të jenë shumë të aftë dhe të kuptojnë strategjinë time që të mos kemi probleme. Duhet t’i kuptojnë gjërat shumë shpejt, ose ndryshe vendin ia zë dikush tjetër.”-vijoi ai.
Alban Bushi foli ndër të tjera edhe për kundërshtarët që do ndeshen në dy ndeshjet e kualifikueseve Anglinë dhe Andorën dhe theksoi se të dy janë kundërshtarë të fortë.
“Anglia është e fortë, por futbolli luhet 11 me 11 asnjëherë nuk i dihet çfarë ndodh. Kemi Andorën psh që është ekip i dobët, por nëse e nënvlerësojmë atëherë mund të na bëjnë pesë gola, se ne ballkanasit e kemi pak këtë të nënvlerësimit të më të dobëtit. Pra duhet të jemi shumë të përqendruar.”-mbylli fjalën e tij trajneri i Kombëtares./K.T/Gijotina.com
Lista me lojtarët e grumbulluar nga Alban Bushi:
