Kryeministri ka ndarë në rrjetet sociale një video mbi atë që e quan si mbledhja e zgjeruar e Qeverisë, ku krahas ministrave, janë të pranishëm edhe zv.ministrat, drejtuesit e institucioneve apo agjensive.
Nga sekuencat e publikuara nga Kryeministri shihet se të pranishmit po marrin leksione mbi proceset digjitalizuese.
Një detaj që tërheq vëmendjen ështe ndarja e të pranishmëve në tavolina sipas rëndësisë, ku tavolina qendrore janë Kryeministrit dhe ministrat, në tavolinën e dytë vijnë disa zv.ministra, paralel me ta është një tjëtër tavolinë po me zv.ministra dhe më pas sipas hierarkisë renditen tavolinat e drejtuesve të disa institucioneve, shoqatave qeveritare etj, deri te ajo e ekspertëve apo specialistëve, të cilët marrin leksione, në prani të “liderit”.
Rama i ulur mes zv.Kryeministres Belinda Balluku dhe ministres së Financave, Delina Ibrahimaj, duket se mban “rregullin dhe qetësinë” në një sallë ku vështirë se mungojnë drejtuesit e institucioneve apo drejtorive nën varësi të qeverisë.
Më herët Rama publikoi një video ku ai fliste me supërlativa për Tepelenën dhe transformimin e saj.
“Uji i ftohtë i Tepelenës, vajzat e Tepelenës, Djemtë e tepelenës, ja ku janë alamet djemsh. Gëzuar! Të na rrojë Tepelena, Tepelena turistike që vetëm zhvillohet dhe është bërë një magnet që vetëm thith të tjerë që vijnë për ta shijuar”, shprehej Rama.
Discussion about this post