Video – Momenti kur i vihet flaka makinës së drejtoreshës në Vlorë

Janë publikuar pamjet nga ngjarja që ndodhi mbrëmjen e kaluar në qytetin e Vlorës, ku u dogj makina e drejtoreshës së Tatim-Taksave në bashki, Anjeza Shiko.

Siç mund të shihet dhe në videon e mëposhtme, kamerat e sigurisë kanë fiksuar momentin kur një person ende i paidentifikuar i afrohet mjetit tip ‘Volkswagen’ e lyen me benzinë dhe më pas i vë flakën.

Autori ende nuk është indentifikuar, dhe nuk dihen arsyet që e kanë çuar këtë të fundit drejt aktit.

Sakaq babai i Anjeza Shikos, Muamet Çota, u shpreh se mjetit i është vënë flaka për shkak të punës që bën vajza e tij.