Është e ditur tashmë që trajneri i Romës, Jose Mourinho nuk kënaqet lehtë me lojtarët e tij, por në rastin e Marash Kumbullës situata duket shumë më e vështirë.
Që nga momenti i parë i marrjes së drejtimit të stolit të ‘Verdhekuqve’ u kuptua se portugezi nuk e kishte aspak qejf mbrojtësin e Kombëtares shqiptare.
Madje së fundmi në konferencën të dhënë pas ndeshjes me Juventus ai i ka vënë vulën kësaj çështjeje. Mourinho e ka cilësuar Kumbullën si një lojtar të dobët edhe pse ky i fundit në ndeshjen e përfaqësueses shqiptare me Poloninë bllokoi për plot 90 minuta sulmuesin më të mirë të momentit në botë, Robert Lewandowskin.
“Ka pankina dhe pankina në Seria A. Sot ne kemi luajtur me Karsdorp në linjën me katër mbrojtës, që ishte në dyshime deri në minutën e fundit. Kemi pasur edhe tre mbrojtës në stol si Reynolds, Marash Kumbulla dhe Calafiori”,- duke tundur kokën, që la të kuptohej se për të këta lojtarë nuk janë të mirë.
Duket se antipatia që ka tekniku për mbrojtësin shqiptar nuk e lë të shohë as kur ky i fundit shkëlqen./K.T/Gijotina.com
