Policia e Shtetit ka publikuar pamjet e aksidentit të ndodhur dje në rrugën “Ismail Qemali” në Tiranë, ku një makinë përplasi një këmbësore në vizat e bardha. Shoferi i automjetit, Sadik Përpunja u largua nga vendi i ngjarjes menjëherë pas përplasjes së 20-vjeçares, por e gjithë skena e frikshme është kapur nga kamerat.
Policia arriti ta arrestonte vetëm sot shoferin i cili shkaktoi incidentin që desh përfundoi në një tragjedi. 20-vjeçarja arriti të shpëtonte pa dëme të rënda dhe ndodhet në spital jashtë rrezikut për jetën.
“Si rezultat i veprimeve të shpejta profesionale, është bërë identifikimi i drejtuesit të mjetit, shtetasi S. P., banues në Tiranë, dhe arrestimi i tij, për veprat penale “Shkelja e rregullave të qarkullimit rrugor” dhe “Largimi nga vendi i aksidentit””, thuhet në njoftimin e policisë.
Discussion about this post