Një video e publikuar sot nga vendngjarja tregon momentet dramatike kur gjyqtari i Apelit, Astrit Kalaja, po transportohej me urgjencë drejt spitalit nga autoambulanca e ndihmës së shpejtë.
Megjithë përpjekjet e menjëhershme të personelit mjekësor për ta mbajtur në jetë, plagët e marra nga tre plumbat rezultuan fatale për gjyqtarin Kalaja.
Sipas të dhënave të para, gjyqtari u qëllua me armë zjarri brenda sallës së gjyqit, në një akt të pashembullt dhune që ka tronditur jo vetëm sistemin e drejtësisë, por edhe mbarë opinionin publik.
Goditja ishte e drejtpërdrejtë dhe e rëndë: tre plumbat e qëlluar ndaj tij i morën jetën pak minuta pas sulmit, duke lënë pa jetë një nga figurat e njohura të sistemit gjyqësor shqiptar.
Ngjarja ka ngritur pikëpyetje serioze mbi sigurinë në ambientet e gjykatave dhe ka sjellë reagime të forta nga përfaqësues të institucioneve vendase dhe ndërkombëtare.
Discussion about this post