Këtë të enjte po luhen sfidat e fundit për këtë vit kalendarik në Superligën Shqiptare ku në fushë zbritën çiftet Vllaznia-Kukësi dhe Teuta-Egnatia
Në Loro Boriçi po mbahet sfida mes Vllaznisë dhe Kukësit, ku shkodranët vijnë nga barazimi pa gola kundër Dinamos, por faktori shtëpi po i jep shumë avantazh skuadrës shkodrane.
Latifi arriti ta zhbllokojë këtë sfidë që në minutën e 8’ falë një aksioni të nisur nga Gurishta, që u finalizua më së miri në rrjetën e tafas, duke ngritur në peshë të gjithë tifozerinë vendase të Vllaznisë, me pjesën e parë që u mbyll me rezultatin 1-0.
Në Elbasan Arena çifti tjetër Teuta-Egnatia sapo kanë mbyllur pjesën e parë. Të dyja skuadrat zbritë në fushë në kërkim të fitores.
Skuadra e Edi Martinit po kërkon me çdo kusht të përmirësojë moralin në këtë prag fundviti ndërsa Egnatia duhet të bëjë pikën e kthesës nga rezultatet e njëpasnjëshme negative.
Kjo pjesë e parë u mbyll në avantazhin e miqve të Egnatias ku arritën të shënojnë gol në kufijtë e kohës së rregullt për tu drejtuar në dhomat e zhveshjes me avantazhin 1-0.
Jackson kroson per Artur Maganin, që e shfrytëzon më së miri këtë rast për ti dhënë avantazhin rrogozhinasve. Ky gol fillimisht u anullua, por sistemi VAR këtë herë do të fliste në mbështetje të skuadrës së Zekirijës, duke e quajtur golin të vlefshëm.
Discussion about this post