Një video e publikuar këtë të enjte në media e rrejte sociale tregon një përleshje në rrugë mes një civili dhe një efektivi të policisë bashkiake të Tiranës, me këtë të fundit që ka vënë poshtë të parin.
Ngjarja raportohet të ketë ndodhur më herët gjatë ditës në kryeqytet, në zonën e njohur si “Bulevardi i Ri” te “Treni”.
Sipas “JOQ”, që ka publikuar edhe videon, ka qenë polici ai që ka sharë qytetarin dhe më pas e ka grushtuar derisa e ka gjakosur, megjithatë ende nuk dihet se si nisi konflikti.
Policia e Tiranës nuk ka bërë një reagim për rastin.
Pamjet tregojnë disa qytetarë të tjerë që ndërhyjnë për të shuar sherrin dhe i largojnë nga duart qytetarin, efektivit të policisë së bashkisë, së drejtuar nga Erion Veliaj.
Në pamje shquhet një kolege e policit të dhunshëm, e cila mban në dorë atë që duhet si një bllok gjobash. Konflikti për vendosjen e një gjobe nuk përjashtohet të jetë zanafilla që çoi në agresionin e policit bashkiak, teksa gjobat ndaj mjeteve vijojnë prej vitesh të rëndojnë xhepat e qytetarëve, të cilët nga ana tjetër, vuajnë edhe mungesat e hapësirave për parkim.
View this post on Instagram
Policia bashkiake e Tiranës është shfaqur shpesh si dhunuese në pamjet e publikuara në media, ndaj shtresës vulnerabël. Sekuestrimi i prasëve, kastravecëve e perimeve të tjera, si dhe shfaqja e forcës ndaj të moshuarve, janë akte që janë përdorur shpesh nga uniformat e Veliajt. Disa javë më parë, PD denoncoi se në thelb të kësaj skeme terrori, ishte një plan i mirëmenduar klientelist biznesi, që ka pasuruar kreun e Policisë Bashkiake, Ermal Kapllanaj dhe një drejtues të lartë në Policisë e Shtetit – Ferdinand Marrën. Asnjë prej të dyve nuk iu përgjigj akuzave.
Discussion about this post