Rayo Vallencano i bëhet pengesë Realit të Madridit në rrugën drejt titull kampion në La Liga. Skuadra nga rrethinat e Madridit, ku jep kontribut edhe lojtari i Kombëtares Shqiptare, Ivan Balliu, barazoi 1-1 në Vallecas me “Los Blancos”, të cilët e shohin të ngushtohet në tetë pikë diferenca me Barcelonën e vendit të tretë.
Në këtë ndeshje vendosën episode e pjesës së parë. Reali realizoi që në fillim me Joselu, që fillimisht iu mohua goli me pa të drejtë nga anësori, por gjithçka u konfirmua nga sistemi VAR, ndërsa vendësit barazuan me penallti.
Gjatë pjesës së dytë asnjëra nga skuadrat nuk arriti të shënonte një tjetër gol që do të vlente fitoren.
Reali i Madridit e nis me gol sfidën me Rayo Vallecanon në transfertë. “Los Blancos” e zhbllokuan rezultatin që në minutën e 3-të me Joselu, që e pati të lehtë ta dërgonte topin në rrjetë pas pasimit të dhënë nga Valverde.
Në fakt, anësori nxitoi të ngrinte flamurin për pozicion jashtë loje, por me ndërhyrjen e sistemit VAR goli u konfirmua.
Një tjetër moment për VAR-in u shënua në minut e 27-të. Camavinga devijon topin me dorë brenda zonës dhe për gjyqtarin ka penallti, e konfirmuar edhe pasi u këqyrën pamjet në monitor. Nga pika e bardhe ekzekuton saktë Raul de Tomas, 1-1.
Discussion about this post