Nuk mungojnë reshjet e borës në juglindje të Shqipërisë. Në zonat në lartësinë mbi 1000 metra, trashësia ka shkuar deri në 10 cm. Ka patur reshje më të dendura në segmentin Dardhë – Boboshticë, në zonën e Bigëllës, ndërsa më pak reshje bore ka patur në Vithkuq, Shtyllë e Voskopojë.
Autoriteti Rrugor Shqiptar informon se kompania përgjegjëse po pastron rrugën duke këshilluar shoferat e automjeteve të kenë kujdes në lëvizje dhe të respektojnë sinjalistikën rrugore sepse ka lagështi në rrugë.
Megjithatë nga pamjet filmike situata duket më e vështirë sepse është i domosdoshëm përdorimi i zinxhirëve për makinat ndërkohë që reshjet e borës vazhdojnë. Kujtojmë se ky aks ka qënë më parë i bllokuar nga rëniet e dendura të dëborës.
Discussion about this post