Mbrëmjen e djeshme është dëgjuar një shpërthim i fuqishëm dhe ka tronditur zonën e ish-Bllokut në Tiranë. Mësohet se ngjarja ka ndodhur në brendësi të një prej klubeve të kryeqytetit. Mësohet se një nga kabinat elektrike ka shpërthyer si pasojë e një shkëndije elektrike dhe ka detyruar të gjithë klientët e klubit të natës që të dalin të tmerruar në rrugë.
Në ato momente ka qenë duke performuarnjë këngëtar, i cili është trembur gjithashtu. Shpërthimi ka përhapur panik edhe tek bizneset e tjera rreth e rrotull, por nuk raportohet të ketë pasur dëme në njerëz. Edhe ato materiale rezulton të jenë të pakta. Pamjet e publikuara nga FaxNeës tregojnë situatën e krijuar në ish-Bllok pas shpërthimit, ku rruga duket se është e mbushur plot me njerëz.
Discussion about this post