Video – Shpërthim i fuqishëm në Turqi, raportohet për më shumë se 20 të plagosur

Një shpërthim i fortë ka ndodhur në një fabrikë makaronash në Sakarya të Turqisë, duke plagosur të paktën 21 persona.

Sipas raportimeve nga mediat lokale, shpërthimi ka ndodhur në çatinë e fabrikës, ndërsa zjarrfikësit kanë mbërritur në vendngjarje për të shuar flakët.

Guvernatori i Sakaryas, Yasar Karadeniz, bëri të ditur se gjatë shpërthimit në fabrikë janë plagosur gjithsej 21 persona, dy prej të cilëve ndodhen në gjendje të rëndë.

Sakarya Hendek’teki bir makarna fabrikasında bir patlama meydana geldi. Patlamada ilk belirlemelere göre 20 işçinin yaralandığı ifade ediliyor. Çok geçmiş olsun…#patlamapic.twitter.com/4APw4pKbKb

— İsMaİL (@ismail_Gnsy) September 15, 2024

Ndërkohë forcat e kërkimshpëtimit po punojnë për të kontrolluar nëse kanë mbetur apo persona të bllokuar brenda fabrikës.

Kryetari i komunës, Yusuf Alemdar, tha se shpërthimi ka qenë i fortë dhe me gjasë ka ardhur nga magazina, duke shtuar se rreth fabrikës nuk ka asnjë zonë banimi.

Të plagosurit janë dërguar në spitalet e afërta për të marrë tretman mjekësor, ndërsa forcat zjarrfikëse vijojnë përpjekjet për vënien nën kontroll të zjarrit.

Guvernatori i Sakaryas, Yasar Karadeniz, konfirmoi se deri më tani nuk ka raportime për të vdekur, ndërsa hetimet vazhdojnë për të përcaktuar shkakun e shpërthimit.

Shpërthimi ka ndodhur në seksionin e mullirit. Ministri i Drejtësisë, Yilmaz Tundz tha se ka nisur një hetim për të përcaktuar shkaqet e shpërthimit dhe përgjegjësit.

🔴Sakarya’da makarna fabrikasında patlama meydana geldi#sakarya #patlama #yangınhttps://t.co/6G1FazFYys pic.twitter.com/EYlz3h4aTk

— İlke TV (@ilketvhaber) September 15, 2024

Zona e Hedekut njihet për karakterin e saj industrial, pasi është një zonë e aktivitetit të organizuar industrial. Tymi nga zjarri është i dukshëm nga pjesë të ndryshme të zonës, duke intensifikuar shqetësimin e autoriteteve lokale dhe banorëve.

Sakarya’da makarna fabrikasında patlama oldu.

Patlamanın ardından yangın çıktı, ilk belirlemelere göre 20 kişi yaralandı.

Sakarya /patlama / yangın/yaralı/ pic.twitter.com/Rsx52ldUii

— OZAN ÖZTÜRK (@ozanozturk_tr) September 15, 2024