Oficerët e BKH-së, të angazhuar në hetimin mbi ish-kryebashkiakun e Kukësit, Safet Gjici, pas publikimit të një video-skandali, ku ai shfaqet duke kryer seks në zyrën e tij në Bashkinë që drejtonte, prej ditës së premte po mbledhin pamjet filmike në qytetin verior të vendit.
Nga raportimet mësohet se përveç pamjeve të marra nga kamerat e Bashkisë, të datës 6 qershor, kur mendohet se është realizuar edhe video-skandali, oficerët e BKH kanë mbledhur pamje edhe nga biznese private dhe locale, ku shfaqet silueta e vajzës, Alma. K, në praninë e personave të tjerë, përfshi edhe ish-kryebashkiakun.
Fillimisht është bërë një kqyrje fizike e zyrës së kryebashkiakut, duke e krahasuar me pamjet që shfaqen në video-skandal, nga ku ka rezultuar se video është realizuar në zyrën e tij. Gjithashtu pamjet e bashkisë tregojnë siluetën e vajzës që hyn në institucion, shkon në zyrën e Kryebashkiakut, dhe më pas ato të daljes nga institucioni.
Në pamjet e tjera të siguruara nga BKH, sipas burimeve, shfaqet vajza e videos, në shoqëri me persona të tjerë, por edhe me ish-kryebashkiakun, në një prej lokaleve të qytetit.
Vajza, tashmë e identifikuar, do të merret në pyetje, për të sqaruar edhe atë që për momentin mbetet mister: personin ose personat e tretë që kanë publikuar pamjet, pra si ka rrjedhur ajo, për të shkuar më pas te motivet.
Hetuesit gjithashtu duhet të sqarojnë se kush ka kryer filmimin, ose kush ka vendosur pajisjen, për të kuptuar më pas edhe arsyet e shfaqjes së skenave në publik.
Në deklaratën e tij të fundit si kryebashkiak ku paraqiti edhe dorëheqjen, Gjici pranon se ka pasur një raport të gjatë me vajzën që shfaqet në video. Por Gjici aludonte se gjithçka ishte e kurdisur nga kundërshtarët e tij politikë.
Po kështu referuar publikimeve në media, vajza ka pohuar se ka pasur raport të gjatë me ish-Kryebashkiakun. Vajza ndërkohë ka shprehur shqetësim që kjo situatë po interpretohet si një kurdisje politike, duke rrëzuar versionin e dhënë nga ish-kryebashkiaku.
Discussion about this post