Forca të shumta policia kanë zbarkuar këtë të shtunë në zonën e Thethit, ku IMT po vijon aksionin për prinshjen e ndërtimeve pa leje.
Më konkretisht po sheemben objektet e familjes Koçeku, të cilët u paralajmëruan 24 orë më parë për t’u larguar. Situata ka qenë e tensionuar ku nuk kanë munguar as përplasjet me banorët e zonës.
Gjithashtu është regjistruar edhe një incident skandaloz, ku një banor invalid, i cili i ka këmbët e prera ka tentuar të çajë koordonin policor, por është përballur me dhunën në grup të efektivëve.
Pas kësaj situate kanë ndërhyrë edhe dy deputetët e zgjedhur të PD-së, Luçiano Boçi dhe Bardh Spahia, të cilët kanë shkuar në Theth në mbështetje të banorëve.
“Hajde me ne bëje të fortin” – dëgjohen teksa i drejtohen dy deputetët, efektivët të Policisë.
Operacioni, tashmë në ditën e gjashtë, ka mobilizuar forca të shumta policore që janë vendosur në formacione sigurie përgjatë zonës, ndërsa fadromat vazhdojnë shembjen e objekteve të ndërtuara në kundërshtim me ligjin.
Ky aksion po zhvillohet në një periudhë kur turistët dhe banorët presin qetësi dhe siguri në një nga destinacionet më të frekuentuara malore të Shqipërisë
Megjithatë, në vend të pushimeve të qeta, zona është përfshirë nga tensione, me përplasje verbale mes banorëve dhe forcave të rendit.
Një ditë më parë, tensionet u përshkallëzuan pasi disa persona hodhën kokteje molotovi ndaj fadromave të IKMT-së dhe dogjën një urë në fshat. Policia ndërhyri me forca të shtuara dhe sipas pamjeve filmike, efektivët kanë nxjerrë armët për të garantuar vijimin e aksionit.
Discussion about this post