Në ‘Loro Boriçi’ këtë fundjavë u mbajt përballja mes Kukësit dhe Partizanit, ndeshje kjo e vlefshme për javën e 14-të të Superligës Shqiptare.
Të dyja skuadrat erdhën në këtë përballje si pretendente, por në fund të saj pa Kukësin e Diego Longos të triumfonte me rezultatin 2-1.
Partizani ishte i pari që kaloi në avantazh në këtë takim, duke arritur të shënojë me Emiliano Mustën në minutën e 11’, ku arriti të administrojë më së miri një goditje dënimi që e shndëroi në gol.
Pjesa e dytë do të tregonte një ‘fytyrë’ tjetër, ku po Musta do të rikthente barazpeshën në fushë, duke dërguar topin në rrjetën e Partizanit, pasi nuk arriti të kontrollojë lëvizjet e portierit Teqja, duke barazuar shifrat në 1-1.
Kukësi në minutën e 83’ do të merte kontrollin e këtij takimi, ku aksioni mes Feizhao dhe Taipit do të finalizohej më së miri, duke tundur rrjetën e ‘demave’, me shifrat që shkojnë në 2-1, për të qënë dhe finale për këtë takim.
Discussion about this post