Kreu i Shoqatës për Mbrojtjen e Konsumatorit dhe Prodhuesit, Ervin Resuli, në një postim në facebook, ka shpërndarë një video ku kreu i grupit parlamentar të Partisë Socialiste, Taulant Balla, në një takim me fermerë në Fier, gënjen hapur për ndihmën që do t’u ofrojë qeveria fermerëve. Resuli shkruan se kjo është propaganda në nivelin më të lartë ose e thënë ndryshe të gënjejë në mes të ditës me diell! Ai gjithashtu ka krahasuar deklaratën e Ballës me ligjin e qeverisë, ku ndryshe shprehet deputeti i PS-së dhe ndryshe thotë ligji.
“Sekretari i parë i partisë qarku Fier e la perlën përsëri pas shumë të tjerash! Propaganda në nivelin më të lartë ose e thënë ndryshe të gënjejnë në mes të ditës me diell! Beu i qarkut thotë se zotëria “Blegtori” ka marrë 10 mijë lekë për lopë, për 100 lopë 10 milion lekë. Ja bëri llogarinë blegtorit dhe e nxori milioner, madje edhe mund ta taksojnë! Që ta dish sekretar i parë i partisë pyete Fridën. Qeveria jote dhe Ministria jote jep 10 mijë lekë për lopë, por jo më shumë se 50 lopë ose jo me shumë se 500 mijë lekë për subjekt. Ky është ligji, kjo është e vërteta, të tjerat shoku sekretar i parë i qarkut po flet kodra pas bregut! Lexo ndonjë llaf he të keqen ose të paktën pyete Subashin se coc di nga bujqësia e blegtoria” – shkruan Resuli në facebook.
Discussion about this post