VIDEO/ “Të q* robt, ku*vë”, policia terrorizon qytetarin në mes të rrugës

Dy efektivë të Policisë së Durrësit kanë ofenduar dhe goditur me drushta një të ri, i cili ishte ndaluar për një kontroll rutinë.

Video e publikuar nga JoQ shfaq momentet kur policët e shtrijnë të riun në asfalt, e shajnë dhe e godasin.

Fjalori i përdorur nga policia është banal, ndërkohë i riu thotë se po terrorizohet, pasi nuk ka bërë asgjë.

Shpesh kemi dëgjuar të thuhet “Policia që duam”, por në fakt pamjet e mëposhtme tregojnë anën që nuk duket në publik mbi sjelljet policore.

Tashmë pritet që Policia e Shtetit të njoftojë se ka nisur hetimin administrativ ndaj dy efektivëve, ndoshta mund të lajmërojë edhe pezullimin e tyre nga detyra, si një mënyrë për të pastruar disi imazhin.