Boksieri i njohur filipinas Manny Pacquiao ka hequr dorë një herë përgjithmonë nga ky sport, duke varur dorezat në gozhdë.
Kampioni i botës në 8 pesha të ndryshme është i vetmi që ka fituar këtë titull në 4-dhjetëvjeçarë të ndryshëm. Ndërsa së fundmi ai ka njoftuar zyrtarisht në një postim në ‘Twitter’ tërheqjen nga boksi.
“Sot po lajmëroj tërheqjen time nga sporti. Ka ardhur koha për të varur përfundimisht dorezat. Dua të falënderoj të gjithë botën, veçanërisht filipinasit që më kanë mbetur. Lamtumirë boks.” –shkruan ai.
Gjatë gjithë karrierës së tij filipinasi zhvilloi gjithsej 72 duele, ka fituar 62 prej tyre, 8 humbje dhe 2 barazime.
Në total Pacquiao numëron 12 tituj të fituar, teksa hera e fundit që është ngjitur në ring ndodhi më 21 gusht të këtij viti, ndeshje në të cilën doli i humbur përballë kundërshtarit Yordenis Ugas./K.T/Gijotina.com
