Drejtuesi politik i PD-së për Tiranën, Belind Këlliçi, ka publikuar një tjetër video ku tregon situatën me plehrat në rrugën “Jordan Misja”, njësia numër 9.
Ashtu siç shihet nga pamjet, gjendja duket mjaft shqetësuese me plehrat të shpërndara kudo në rrugë.
Anëtari i Kryesisë, Këlliçi, denoncon prej kohësh situatën alarmante me plehrat, ku sot shkruan se banorët e Tiranës janë rrethuar nga katër anët nga plehrat e lëna me kapicë nga kreu i “5D”-së, Erion Veliaj.
Sipas Këlliçit, justifikimet e Veliajt për situatën e plehrave janë qesharake dhe kriminale.
“Java nis sërish nën rrethim! Banorët e Tiranës janë rrethuar nga të katër anët nga plehrat e lëna kapicë nga kreu i 5D Erion Veliaj. Këtu jemi tek Rruga ‘Jordan Misja’ Njësia nr.9!
I vetmi shpjegim që dha ditën e djeshme pronari faktik i inceneratorit Tiranë ishte se, për situatën katastrofike me plehrat në kryeqytet, fajin e ka opozita! Qesharake dhe kriminale njëkohësisht!”, shkruan drejtuesi politik i PD-së për Tiranën, Belind Këlliçi.
Discussion about this post