Autobusi i skuadrës së Manchester City ka mbetur i bllokuar në rrugët e Stambollit për shkak të trafikut.
Si Interi, ashtu edhe City, ishin pozicionuar në hotele larg stadiumit “Ataturk” ku zhvillohet finalja e madhe në këtë edicion.
Por nëse zikaltrit ia dolën që të çanin mes trafikut dhe të mbërrinin në stadium rreth orës 19:00, sipas planit, mbërritja e Manchester City është shtyrë për disa minuta.
Kjo, pasi autobusi ka ngecur në trafik, edhe pse i shoqëruar nga policia turke që mundohej t’i hapte rrugën drejt stadiumit.
Si rrjedhojë, “qytetarët” kanë zbarkuar në stadium vetëm në orën 19:30, duke u detyruar të kryejnë një pjesë të madhe të rutinës para ndeshjes, si xhiroja e zakonshme në fushë, pak me ngut.
Kështu ata do të ishin në kohën e parashikuar për të kryer nxemjen për këtë sfidë shumë të rëndësishme për historinë e klubit.
Discussion about this post