Tirana humbi mbrëmjen e djeshme 0-2 me Besiktas në “Air Albania”, në takimin e kthimit në turin e dytë kualifikues të Conference League.
Bardheblutë u eliminuan pas këtij 90 minutëshi, teksa sfida në kryeqytet nisi me 14 minuta vonesë.
Për këtë u kujdesën ultrasit e Besiktas. Të ardhur nga Turqia në numër të konsiderueshëm, tifozët e Besiktas ndezën flakadanë dhe i hodhën në fushë dhe në tribunën ku i shin tifozët e Tiranës.
Kaq ka mjaftuar që tifozët bardheblu të kundërpërgjigjeshin, ndërkohë që forcat e sigurisë dhe ato speciale të policisë u futën në fushë dhe tribuna.
Dueli mes ultrasve nuk do mbaronte pas 90 minutave. Këtë herë kanë qenë tifozët e Tiranës që kanë prituar ata të Besiktas. Pas duelit, në rrugët e Tiranës ka pasur kaos, përplasje dhe frikë.
Dy grupimet janë përplasur me sende të forta.
Në videon më poshtë duket edhe përplasja mes tyre, duke mos munguar as karriget. Tifozët e Tiranës duket se kanë marrë “hak” dhe i kanë prituar ata të Besiktas jashtë stadiumit. Për fat nuk ka asnjë të lënduar nga përplasjet mes tyre.
Discussion about this post