Fshati Uznovë në Berat nuk gjen qetësi nga zjarret. Flakët e favorizuara nga era kanë shkrumbuar plantacione me fiq e ullinj. Sakaq rrezikohen edhe banesat e lagjes. Në vendngjarje ndodhen edhe zjarrfikëset, ndërkohë që në zonë ka ende shumë vatra aktive.
Burime për gijotina.com bëjnë gjithashtu me dije se flakët e zjarrit janë duke përparuar drejt kodrës dhe po rrezikojnë linjën e tensionit të lartë të energjisë elektrike. Zjarrfikësit e kanë të pamundur ndërhyrjen me mjete drejt kodrës mbi “bllokun e fiqve” për shkak të terrenit të thepisur dhe shuarja e flakëve po kryhet me mjete rrethanore. Burime në vendngjarje bëjnë me dije se zjarri mund të jetë vendosur nga vetë banorët për të djegur mbeturinat por era e ka nxjerrë jashtë kontrollit situatën.
Të njëjtat burime pohojnë se po punohet për zbardhjen e shkaqeve të kësaj zjarre vënie, një tjetër nga të shumta zjarre të qëllimshme e të mbetura pa autor.
