Video virale/ Afrikani krijon këngë me fjalët e Will Smith në ‘Oscars’

Will Smith nuk do të mbahet mend nga mbrëmja e Oscar vetëm, për incidentin që pati me Chris Rock, por edhe për fjalimin e tij të mrekullueshëm si dhe për mënyrën se i drejtohet gruas së tij. Këtë gjë e ka vënë më shumë në dukje një djalë afrikan i njohur me pseudonimin “The Kiffness”, i cili krijoi këngë me fjalët e aktorit.

Djaloshi është mjaft i njohur nga rrjetet sociale pasi ai krijon këngë me fjalët e njerëzve dhe me tingujt e kafshëve. Këtë herë “The Kiffness” i ka surprizuar të gjithë pasi krijoi një këngë edhe me fjalët e aktorit Will Smith në ceremoninë “Oscars”.

“Emrin e gruas sime mbaje larg gojës tënde”, ishin fjalët e Smith drejtuar Chris Rockut në mbrëmjen e “Oscars”, të cilat Kiffness i ka shndërruar në këngë.

Kujtojmë që ditën e premte aktori i njohur, ka dhënë dorëheqjen nga Akademia e Arteve dhe Shkencave të Filmit të Hollywoodit pasi goditi Chris Rock në ceremoninë e Oscars të së dielës së kaluar. “Unë i jam përgjigjur drejtpërdrejt njoftimit të seancës disiplinore të akademisë dhe do të pranoj plotësisht të gjitha pasojat për sjelljen time. Veprimet e mia në prezantimin e 94-të të çmimeve Oscar ishin tronditëse, të dhimbshme dhe të pafalshme. Jam zemërthyer”, thuhet ndër të tjera në deklaratën e lëshuar nga Smith.