Pas disa javësh nga zbulimi i lajmit se Mauro Icardi kishte tradhtuar bashkëshorten e tij Wanda Nara me aktoren China Suarez, modelja ka dalë për herë të parë në një intervistë.
Çifti u duk se ishin drejt divorcit, gjë e cila ashtu si edhe ribashkimi i tyre ishin kryetemë në mediat kudo në botë.
Së fundmi në një intervistë ekskluzive për ‘Telefe Noticias’ në televizionin argjentinas, bukuroshja ka treguar sesi e zbuloi tradhtinë e burrit të saj.
“Unë dhe Mauro jemi gjithmonë bashkë, jemi një familje shumë e ngushtë. Por, ka muaj që kemi një brishtësi në lidhje. Ishim bashkë tek një park i lodrave me fëmijët tanë. Unë po flisja me vajzën që organizon festat tona në Paris. Ajo më kërkoi një foto të vogëlushes për ftesën e ditëlindjes. Mu kujtua se kishim disa foto në telefonin e Mauros. Kur po kërkoja foton e vajzës, gjeta bisedën me një grua të famshme. Në vend se të rrëfeja ngjarjen tek motra apo ndonjë shoqe, unë bëra një shkrim në Instagram i cili u bë lajm”,-zbuloi Wanda Nara.
Teksa më pas e gjitha u bë publik dhe çifti kanë qenë të vëzhguar nga media në çdo lëvizje të tyre. Megjithatë në fund ata vendosën ta zgjidhin këtë problem dhe Wanda e Mauro vazhdojnë të jenë së bashku./K.T/Gijotina.com
Discussion about this post