Një tjetër vatër zjarri është shfaqur këtë të enjte në Vajkan, Mbrostar, Fier, dhe mbrapa Poligonit.
Burime për gijotina.com bëjnë me dije se era ka favorizuar flakët të cilat po rrezikojnë përhapjen me shpejtësi dhe po shkaktojnë dëme të konsiderueshme në një tokë të mbjellë me ullinj 20 vjeçarë.
Banorët e zonës, të shqetësuar kanë bërë njoftimin e zjarrfikësve dhe policisë, por këto forca kanë qenë në një zjarr tjetër në Topojë të Semanit, ku pas neutralizimit të flakëve janë nisur drejt Ajkanit.
Në mungesë të forcave zjarrfikëse për të cilat banorët paguajnë taksa shtesë, këta të fundit do të humbasin gjithë prodhimet e ullinjve që kanë investuar përgjatë një viti.
Siç e shihni edhe nga videoja e siguruara nga gijotina.com terreni me të mbjellat është shkrumbuar totalisht nga flakët, ndërsa prania e erërave të forta pritet të përkeqësojë situatën. Nga ana tjetër nuk ka ende shenjë nga zjarrfikëset për të neutralizuar situatën.
