Videoskandali Gjici, kujt i përkisnin paratë që iu gjetën Alma K? Ja ç’paralajmëron avokati…

Avokatja e Alma Kaçit, Natasha Velia thotë se tashmë SPAK e ka verifikuar që mes klientes së saj dhe Abedin Oruçit, personi që kishte dijeni për videoskandalin me kryeashkiakun SAfet Gjici, nuk kishte elementë bashkëpunimi.

Në emisionin “Review”, Velia tha se paratë që Alma Kaçit i janë gjetur i janë kthyer Oruçit, pasi sipas verifikimit të SPAK, ishin para që i takonin atij dhe nuk kishte në të produkt krimi.

“Nga SPAK është konstatuar që nuk ka pasur elementë bashkëpunimi. Aty është konkretizuar, sepse i është sekuestruar një shumë që i është gjetur në ditën që është arrestuar dhe SPAK-u ia ka kthyer këtë shumë, pasi ka verifikuar që kjo shumë nuk ishte produkt krim.

SPAK duke u bazuar në përgjimet mes Alma Kaçit dhe Abedin Oruçit, e ka kthyer këtë shumë. Ai mund të ketë qenë natyrë altruiste, mund ti ketë dhënë para për naftë, kaq është diskutuar, sepse mbase ajo mund të ketë pasur nevojë. Këtë shpjegim ajo nuk e ka dhënë as në SPAK”, tha avokatja.

Ndersa, avokati Arben Llangozi tha se e gjithë ngjarja që pasoi video-skandalin e Safet Gjicit, tregon se si po funksionojnë institucionet në Shqipëri.

Ai tha se Alma Kaçi ka edhe video të tjera me zyrtarë të tjerë që abuzojnë në forma të tilla me detyrën, të cilat do të ishin mirë të dilnin, në mënyrë që ata të merrnin dënimin e merituar.

“Ky proces na mësoi se sa ulët janë institucionet e shtetit shqiptar, se në çfarë niveli janë kryetarët e bashkive, drejtuesit e institucioneve. Në një farë mënyre kjo është çjerrja e maskës së një sërë funksionarësh shtetëror. Në dijeninë time me ato që kemi dëgjuar dhe kemi informacione, zonja Kaçi ka edhe rraste të tjera që nuk janë bërë publike.

Shpresoj të publikohen dhe të marrin dënimin e merituar. Ne këtu kemi disa veprime që janë të ënda për vendin tonë dhe që duhet të ndëshkohen. Në rastin aktual, vepër penale për zonjën Kaçi nuk ka dhe SPAK-u duhet ta pushonte, sepse nuk ka pasur një përfitim. Për zotin Gjici, ka sepse ai ka premtuar mbledhjen e Këshillit Bashkiak për t’i dhënë një tender”, tha avokati Arben Llangozi.