Mike Maignan vazhdon të ndihmojë Milanin me pritjet e tij fantastike. “Gardiani” francez u shfaq i pakalueshëm në çerekfinalen e parë të Champions League ndaj Napolit, përballje të cilën kuqezinjtë e fituan 1-0.
27-vjeçari kreu disa pritje të bukura, sidomos në minutën e fundit ndaj Di Lorenzos. Bobo Vieri, i cili gjatë karrierës së tij provoi të vishte edhe fanellën e Milanit, është i çmendur pas portierit të ekipit të Piolit.
“Maignan është fenomen. Kur e sheh në stadium të krijohet ndjesia sikur nuk do të pësojë kurrë gol. Milani do të kishte 10-12 pikë më shumë në kampionat nëse ai nuk do të ishte dëmtuar.
Kuqezinjtë e blenë 15 milionë euro? Mike kushton 200 milionë euro, ai është i jashtëzakonshëm. Unë e vendos mes kampionëve më të mëdhenj të historisë së futbollit”.
Discussion about this post