“Vinin fëmijët në gjumë me të”/ Shqiptarët të ndarë për legalizimin e kanabisit

Pak javë më parë qeveria iu ka dërguar qytetarëve nëpër shtëpia pyetësorin e nismës Këshillimi Kombëtar. Një nga pyetjet ishte nëse duhet të legalizohet kanabisi në vendin tonë apo jo. Dhe me sa duket,

qytetarët shqiptarë janë të ndarë mes pro dhe kundër legalizimit të kanabisit në Shqipëri për qëllime mjekësore. Përmes një videoje të publikuar nga kryeministri Edi Rama në Facebook, ata dëgjohen të argumentojnë përgjigjet e tyre.

Disa nga përgjigjet:

Qytetari: Pse përderisa e pi gjithë bota pse jo, ça u bë kiameti

Qytetari: Jo, jo jo

Qytetari: Po, përderisa ka lidhje me shëndetin po, pse jo

Qytetari: Stërgjyshja ime i vinte fëmijët në gjumë me atë

Qytetari: Jo, jo, në asnjë mënyrë

Qytetari: Po përderisa e ka legalizuar gjithë bota, pse jo edhe ne, çfarë kemi më pak që mos ta legalizojmë

Qytetari: Përderisa është e domosdoshme që të shërohen njerëzit, pse jo

Qytetari: Unë nuk e konsumoj, por mjekësia e rekomandon.

Qytetari: Pa hezitim, legalizoje aty më mirë se sa nën tokë, sepse do bëhet gjithsesi. Betohem po s’je dhe ti e sigurtë sa unë që do bëhet gjithsesi.