Policia e Bulqizës ka vënë në pranga një 29-vjeçar, i cili u kap duke vënë baste sportive me telefon. Sipas uniformave blu, i arrestuari është identifikuar si shtetasi me iniciale E.C. Ndërkohë ka nisur puna për identifikimin e bashkëpunëtorëve të të riut.
Njoftimi i policisë:
Goditet një rast i veprimtarisë së paligjshme në fushën e lojërave të fatit.U kap duke vënë baste sportive, nëpërmjet celularit, në lokalin e tij, vihet në pranga 29-vjeçari.
Shërbimet e Komisariatit të Policisë Bulqizë, në vijim të punës për parandalimin, evidentimin dhe goditjen e veprimtarisë së paligjshme në fushën e lojërave të fatit, bazuar dhe në informacionet e marra në rrugë operative se në një lokal në qytetin e Bulqizës, organizohej kjo veprimtari, organizuan punën dhe ushtruan kontroll në këtë lokal.
Gjatë kontrollit, pronari i lokalit, shtetasi E. C. u kap në flagrancë duke vënë baste sportive, nëpërmjet celularit.
Në përfundim të veprimeve, shtetasi E. C., 29 vjeç, banues në Bulqizë, u arrestua në flagrancë, për veprën penale “Organizimi i lotarive të palejuara”. Materialet i kaluan Prokurorisë, për veprime të mëtejshme procedurale.
Discussion about this post