Edith Harxhi anëtare e Kryesisë së Partisë Demokratike, e ftuar në ‘Task Force’ në Syri TV me Sonila Meçon, e quajti një vizitë të lobuar për interesa të Ramës, vizitën e sh-presidentit amerikan, Bill Klinton. Harxhi u shpreh ndër të tjera se përveç faktit se mendohet të jetë me shumë zero çmimi që është paguar për fjalimin e Klinton, në rresht të parë qëndronte dhe dhëndri i ish presidentit bashkë me Alex Soros, që Harxhi e etiketon ‘kryeministër në hije’ të Shqipërisë dhe gjithë Ballkanit.
Si vizitë e tij më duhet të them se ishte një vizitë e lobuar fuqishëm për interesa të qeverisë aktuale, të Ramës.
“Ka disa fakte dhe nuk ka nevojë që të kesh shumë informacione për këtë, por e para Klinton hy në ata presidentë që kanë pagesa shumë të majme në SHBA për të mbajtur një fjalim, përpara disa kohësh ka dalë një botim i një libri të gazetari të famshëm Beqir Sina i cila e botoi dhe në Shqipëri vjet dhe që ka të bëjë pikërisht me presidentët amerikanë, vizitat dhe ndërhyrjet e tyre, dhe normalisht thuhet që një president si ky për një fjalim të shkurtër merr diku tek 1 milionë dollarë, shuma të majme.
Kjo është brenda rregullave të shtetit amerikan sepse ata gjithçka e deklarojnë tek tatimet. Presidenti Obama para disa javësh ishte në Greqi dhe mbajti një fjalim historik në Athinë dhe foli dhe për tragjedinë e 700 emigrantëve që u mbyten në det. Dhe mediet greke i referoheshin faktit se ai kishte marrë diku te 700 mijë euro për atë fjalim. Të mos harrojmë praninë e dy njerëzve shumë të fuqishëm te cilët janë nga bota financiare, filantropike dhe njëri prej tyre dhe politike , siç është dhëndri i tij, i presidentit , një financier shumë i fuqishëm i cili ka lidhje të drejtpërdrejta financash dhe heq fondet fondet me familjen Soros, dhe natyrisht prania e atij çfarë unë mund ta quaj pa asnjë frike kryeministri në hije i Shqipërisë dhe gjithë Ballkanit, që quhet Alex Soros. Ai ishte në rreshtin e parë, bënte një karshillik të paparë, dhe tregonte fuqinë e tij dhe që ‘nuk e ka problem asnjë kritikë që mund të marr’, tha Harxhi.
Discussion about this post