Presidenti ukrainas, Volodymyr Zelensky, ishte sot në Tiranë, në kuadër të Samitit të organizuar nga Qeveria shqiptare, dhe me pjesëmarrjen e disa prej vendeve të Rajonit, BE e NATO-s, në mbështetje të Ukrainës.
Përtej pompozitetit të Samitit ku Edi Rama mori rolin e një protagonisti, nisur edhe nga statusi i Kryeministrit të vendit mikpritës, duket se institucionet qendrore shqiptare, nuk kanë arritur të shmangin gafat.
Kështu Ministria e Jashtme, duke përdorur rrjetet sociale, ka shpërndarë cicërima nga llogaria “Zelensky Parodi”, një llogari fake në rrjet, që përdor imazhin e Presidentit ukrainas, por që e vë në lojë atë. Ndoshta nga pakujdesia dhe nxitimi zyrtarët e Ministrisë së Jashtme dhe më pas disa nga përfaqësitë diplomatike shqiptare, kanë shpërndarë postimet nga kjo llogari “fake”.
Discussion about this post