Vizita në Tiranë, ja 3 mesazhet që priten/ Blinken do të takohet me…

Antony Blinken, Sekretari amerikan i Shtetit, do të zhvillojë një vizitë zyrtare në Tiranë dhe Mynih në datat 14 dhe 17 shkurt.

Në Tiranë, Sekretari Blinken thotë DASH, do të riafirmojë fuqinë e marrëdhënieve të Shteteve të Bashkuara me Shqipërinë, një partner kyç për stabilitetin në Ballkanin Perëndimor dhe një aleat i fortë në mbështetjen e sovranitetit dhe integritetit territorial të Ukrainës”.

Ndërkohë Top Channel raporton se tre janë qëllimet e ardhjes në vendin tonë.

Falenderim për Shqipërinë për pritjen dhe strehimin e mbi 2,000 refugjatëve afganë të cilët erdhën në vitin 2021. Sugjerohet edhe mundësia e shkuarjes të Antony Blinken në Shëngjin për të parë vendin ku u shtrehuan afganët, e biseduar me ata afganë, të cilët vijojnë të jenë ende atje.

Sikurse për të falënderuar e vlerësuar edhe njëherë tjerë rolin e Shqipërisë në Rajon dhe atë çfarë prodhoi vendi ynë si anëtare e përkohshme në Këshillin e Sigurimit.

Përmes kësaj vizite sekretari Blinken synon të ritheksojë mbështetjen amerikane ndaj prokurorisë speciale SPAK.

Sa i përket takimeve që Blinken pritet të zhvillojë në Tiranë, raportohet se në agjendën e deritanishme parashikohen vetëm dy takime: me kryeministrin Edi Rama dhe kreun e SPAK-ut, Altin Dumani.

Megjithatë agjenda e takimeve mund të ndryshojë e të përfshijë persona të tjerë. Sekretari Blinken po ashtu do të takohet me stafin e ambasadës amerikane në Tiranë për t’i falënderuar, në përçimin dhe zbatimin e direktivave të DASH në forcimin e demokracisë shqiptare e përmbushjen e një prej prioriteteve të administratës Biden, luftën ndaj korrupsionit në nivel global.

Sipas Top Channel, Sekretari Blinken pritet të shoqërohet në Tiranë, nga ish- ambasadorja amerikane në Shqipëri, Yuri Kim, e cila tashmë në DASH mban detyrën e Zëvendës Asistentes të sekretarit Blinken për Europën dhe Euro Azinë, detyrë e cila e bën atë të jetë e angazhuar me zhvillimet në vendin tonë.