Vizita në Tiranë, Klinton: Nderi im që punova për të forcuar raportin SHBA-Shqipëri

Presidenti i SHBA, Bill Klinton ka reaguar pas vizitës në Tiranë.

Përmes një postimi në Twitter, Clinton thotë se nuk do ta harrojë kurrë atë ditë dhe se ka qenë nderi i tij që ka punuar për forcuar lidhjes mes Shqipërisë dhe SHBA-së.

“Faleminderit nga zemra Kryeministrit @ediramaal dhe popullit të Shqipërisë për një mbrëmje që nuk do ta harroj kurrë. Ka qenë nderi im të punoj me ju për kaq shumë vite për të forcuar lidhjet e miqësisë midis vendeve tona dhe për të ndërtuar një botë më të mirë për të gjithë”, shkruan Klinton.

Kujtojmë se Klinton një ditë më parë ishte për vizitë në Shqipëri.

Ai u prit nga figura të rëndësishme politike të vendit, por edhe nga qindra qytetarë, që kishin dalë të mikprisnin presidentin që ndihmoi kaq shumë Kosovën dhe popullin shqiptar.