Ky fundvit duket se nuk sjell lajme të mira për të burgosurit, të cilët tanimë janë vënë në dijeni se asnjëri nuk do të përfitojë amnisti, siç zakonisht ndodh në këtë periudhë të vitit. Covid-19 ka prekur dhe të burgosurit , ku sipas masave të reja parandaluese të përhapjes së virusit, familjarët që do duan të takojnë të afërmit e tyre që vuajnë dënimin do të lejohen vetëm nëse paraqesin pasaportë vaksinimi ose test PCR. Gjithashtu, janë shtuar masat e kontrolleve në burgje për ta parandaluar infektimet dhe përhapjen e COVID në burgje. Edhe të arrestuarve apo atyre që futen në burg me vendim gjykatë u bëhet tamponi.
Mungesa e amnistisë këtë vit pritet që të shtojë numrin e vizitave në burgje, kjo për shkak të nevojës së tyre për të kaluar kohë me njerëzit e afërt gjatë festave. Ministri i Drejtësisë Ulsi Manja, bëri me dije se nuk ka në plan të propozojë amnisti për të dënuarit. Një vit më parë afro 180 persona mes tyre shumica gra, përfituan nga amnistia, gjatë festave të fundvitit.
Discussion about this post