Prokuroria e Tiranës ka regjistruar procedim penal në lidhje me kallëzimin e Agjencisë së Mbikëqyrjes Policore (AMP), për ndërhyrjen në sistemin TIMS, për “Shpërdorim detyre” dhe “Ndërhyrje e pa autorizuar”.
Në kuadër të këtyre hetimeve, Prokuroria i ka kërkuar AMP të marrë në pyetje të gjithë zinxhirin drejtues dhe efektivët bazë që kanë pasur lidhje me rastin konkret.
Pikërisht kjo çështje ishte pjesë e diskutimit në emisionin “Ora e Betit” në “Ora News”, ku gazetari Ferdinand Dervishi zbardhi të gjithë kronologjinë e skandalit që sipas tij është i barazvlefshëm me atë çfarë ndodhi më 21 janar të vitit 2011.
Ferdinand Dervishi: E-maili i punonjësve të policisë që njoftojnë ngjarjen i është dërguar SPAK-ut në dy adresa, shërbimit sekret në dy adresa, dhe në disa media që janë kritike të qeverisë. Ai është një e-mail dëshpërues i një grupi njerëzish që panë me sytë e tyre se çfarë ndodhi, se si nuk reagoi askush. Dhe kjo ishte një përpjekje e fundit, që edhe pse e dëshpëruar për të lëvizur shtetin, por që funksionoi.Kishte ndodhur kjo gjë që krejt papritur që rreth orës 2 – 2:30 të pasdites të datës 2 gusht, drejtori i sapoemëruar në atë kohë, dhe i ardhur nga shoqëria civile si specialist, dhe jo siç vihet në Polici, dhe i graduar për mua në mënyrë të paligjshme pasi ai me detyrë është në rangun e zv. Drejtorit të Përgjithshëm të Policisë së Shtetit. Ky njeri është marrë nga AKSHI si specialist për të bërë punën e specialistit, dhe jo të drejtojë atje. Dhe të gjitha këto janë shkelur me emërimin e tij (Ervin Muçës), pasi ai u emërua brenda 4 ditëve nga kalimi nga njëri institucion tek tjetri. Por kush është ky njeri? Ai më herët kishte qenë nën hetim në gjendje të lirë për skandalin e rrjedhjes së të dhënave tek Tatimet. Ku një vartëse e kishte njoftuar këtë njeri për shkeljet që ajo kishte gjetur në këtë rast, dhe çuditërisht kjo grua që e denoncoi këtë si problem sot është njëra nga dy të dënuarat për këtë ngjarje. Dhe unë nuk e kuptoj se si ka funksionuar drejtësia.
Më shumë rëndësi që ka ndodhur atë ditë ka një tjetër fakt. Ai mori njerëz nga jashtë Policisë, nga kompani private, për të bërë atë gjënë që vartësit e tij nulk pranuan ta bëjnë. Ata qe ishin aty e kuptuan se ishte një aksion i jashtëligjshëm ndaj nuk mund ta pranonin. Pra u futën nga jashtë njerëz të huaj që të merrnin të dhëna nga Policia e Shtetit. Në momentin që vartësit, duke filluar nga zëdhënësi i tij, që duke lavdëruar, nisën të komunikonin me eprorët që këtu po bëhet një vepër penale dhe askush nuk lëvizte për asgjë. Pra nuk funksiononte policia dhe askush tjetër. Në atë moment është dhënë urdhri që t’i shkëputej interneti këtij që po dërgonte e-mail. Përveç kësaj është dhënë urdhri për fshirjen e provave se çfarë po ndodhte dhe fikjen e kameras brenda. Dhe e gjitha kjo ka ndodhur rreth orës 14:30 e datës 2 gusht deri në orën 10:00 të ditës tjetër, pra për 20 orë. Pra për 20 orë për mua shteti ka rënë. Është e barabartë me atë çfarë i ra Sali Berishës më 21 janar kur nuk u zbatuan urdhrat e arresteve nga Policia për gardistët.
Progni: Muça dhe Beqiraj, pjesë grupit të strukturuar kriminal në Polici
Eksperti i IT-së Gent Progni theksoi se në Policinë e Shtetit ka një grup të strukturat kriminal që drejtohet nga drejtori i ri IT-së Ervin Muça dhe Ermal Beqiraj.
Gent Progni: Ervin Muça kur ka qenë drejtor tek Tatimet, vartësja e dënuar tashmë për skandalin e rrjedhjes së të dhënave, në dëshminë e parë ka thënë që ka marrë urdhër nga Muça. Dhe kjo ka ndodhur edhe në Kadastër, ku ka një histori me transport të dhënash dhe kjo histori ka vazhduar në çdo pozicion ku ka punuar. Dhe fakti që e kanë çuar aty, do të thotë se aty është një grup i struktura kriminal. Dhe kjo na vërtetohet që nga data e nxjerrjes së të dhënave të patronazhimit. Është po i njëjti grup, Ervin Muça, Ermal Beqiraj. Ky i fundit është personazh edhe më iu hershëm pasi është parë edhe videoja e famshme te serveri i Tatimeve bashkë me Spartak Brahon. Pra, është po i njëjti grup i strukturuar.
Këtu ka një nonsens logjik të çmendur: Duke qenë se tek patronazhimi na dalin të dhënat; ndodh aktivisti, dalin të dhënat, ndodhin pagat, dalin të dhënat; tatimet, pagat, targat, edhe bankat dhe lihen në heshtje. Dhe kur këto ngjarje lihen në heshtje arrijmë deri këtu ku merr guximin një drejtues i lartë i Policisë të quajturit në media të të tjerëve si injorantë e ku di unë. AMP-ja denoncimin e ka bërë me 6 gusht ndërsa e publikuar njoftimin me datë 16. Mbi serverin e eksportit është një kamera që është në punë gjatë gjithë kohës dhe ka filmuar çdo gjë. Karta që është përdorur për të bërë transportin e të dhënave ka qenë e një punonjëseje që ka qenë me pushimet verore atë ditë.
Dhe autogoli që ka bërë Ervin Muça është që për fatin e mirë kemi dy mbrojtje në këtë çështje: janë kamerat e sigurisë që tregojnë që punonjësit e kompanisë “Horizont” që ndërhyjnë aty, që është një kompani që ka fituar miliona euro tendera nga AKSHI. E dyta është drejtori i IT-së të QKB-së që ndërhyn aty dhe sjell një çantë aty brenda dhe është një tjetër personazh në vjedhjen e të dhënave tona. Janë këta njerëz që kanë vjedhur të dhënat e 4.6 milionë shqiptarëve, por për fatin tonë të mirë janë publikuar vetëm 1 milionë të dhëna.
Discussion about this post