Gazetari Artan Hoxha ka deklaruar se grabitjet e zyrtarëve të lartë kanë kapur kulmin mes viteve 2-13-2014, kur është ndërruar qeveria. I ftuar në “News24”, Hoxha u shpreh se një grup hajdutësh nisën në atë periudhë që të grabisnin disa prej banesave të zyrtarëve, por që asnjëherë nuk ka pasur hetim, pasi vetë ministrat, të dy kabineteve, nuk kanë pranuar se janë grabitur.
Sipas gazetarit, në atë kohë është krijuar ideja që ministrat përgjoheshin pasi në momentin që mbylleshin tenderat dhe merrej ryshfeti, ndodhte grabitja. Shumat e grabitura në atë kohë, sipas Hoxhës, ishin nga 500 deri në 1 milion euro për banesë.
“Arriti që të grabiste banesat e disa ministrave në detyrë, Rama ishte ende në koalicion me Metën., grabitën funksionarë të rëndësishëm të të dy kabineteve, para dhe pas 2013. Shumat ishin nga 500 deri në 1 milion euro për banesë. Ngjarjet jo vetëm që nuk u denoncuan, por edhe kur policia e mori vesh ngjarjen, shkonte pranë banesave dhe i thoshin që nuk është e vërtetë që ka ndodhur ngjarja. Di që në dy raste kanë treguar që kanë tentuar të dëmtojnë familjarët, në një rast u tha për grabitjen e banesës së prindërve. Në asnjë rast nuk është pranuar që ka ndodhur grabitja në shtëpitë e zyrtarë të lartë shtetëror. Dyshimet ishin sepse në atë ka qenë ministër i Brendshëm Saimir Tahiri, kjo u bë shqetësuese sepse grupet rivale po shqetësoheshin sepse kundërshtarët e tyre po fuqizoheshin nga paratë që po u merrnin ministrave. Ishin ministra që kishin nëpër duar tendera. Pse shkonin tek ministri i Energjitikës? Sepse e dinin që sapo ishte bërë tenderi dhe kishte para në banesë. U krijua ideja që ministrat përgjoheshin dhe sapo mbyllej tenderi e merrej ryshfeti, grabiteshin. Në rastin që sapo përmenda u bë i pamundur hetimi, pasi askush nuk denoncoi asgjë,”- tha Artan Hoxha.
Discussion about this post