Ditën e sotme Policia e Korçës ka vënë në pranga 4 persona për vepra të ndryshme penale. Në orët e para të mëngjes është bërë i mundur arrestimi i një 23-vjeçari, banues në fshatin Braçanj, Devoll, pasi disa kohë më parë Gjykata e Rrethit Gjyqësor Korçë e ka dënuar me 9 muaj burg për veprat penale “Vjedhja” dhe “Drejtimi i automjeteve në mënyrë të parregullt”. Ai ishte në arrati prej disa kohës, por sot policia ka rënë në gjurmët e tij dhe e arrestoi.
Sakaq, bëhet me dije se është arrestuar edhe një 18 -vjeçar, banues në fshatin Kamenicë, Korçë, pasi nga hetimet e kryera rezulton se ky shtetas është autor i dyshuar i dy vjedhjeve të ndodhura më datë 03.09.2021 dhe 14.10.2021. Mësohet se ka vjedhur 120.000 mijë lekë dhe 560 euro. Po për këtë arsye ka rënë ën prangat e policisë shtetasi P. Q., 47 vjeç, banues në fshatin Melçan, Korçë, pasi në lagjen nr. 8, Korçë, ka vjedhur 3 varëse floriri në një dyqan argjendarie.
Ndërsa është arrestuat edhe një 48 -vjeçar, banues në fshatin Velitërnë, pasi ky shtetas i cili drejtonte mjetin tip “Benz” pa leje drejtimi. Mbi të rëndojnë veprat penale “Shkelja e rregullave të qarkullimit rrugor” dhe “Drejtimi i automjeteve në mënyrë të parregullt”. Të gjithë arrestuarit janë shoqëruar në komisariat, ndërsa prokuroria vazhdon punën për zbardhjen e detajeve të reja.
Discussion about this post