Garda Civile e Vinaros në Spanjë ka arrestuar dy shqiptarë të moshave 39 dhe 32 vjeç. Ata akuzohen për disa vjedhje në banesat e zonës Baix Maestrat.
Aktet kriminale janë kryer në muajin maj në shtëpitë e qyteteve në veri të provincës Castellón. Autorët vepronin gjithmonë natën ose herët në mëngjes për vjedhje. Ara hynin në shtëpi me metoda të ndryshme. Ata ngjiteshin në mure ose thyenin dritaret, duke përfituar nga fakti se banorët ishin në gjumë.
Autoritetet i përqendruan dyshimet e tyre tek të arrestuarit tani, banorë në qytetin e Alcalá, duke kryer monitorim dhe mbikëqyrje midis atyre, të cilat rezultuan në arrestimin e tyre më 29 shtator pas kryerjes së dy grabitjeve në zonën e Calig.
Në banesën e të arrestuarve janë gjetur dhe sekuestruar sende të shumta si çanta, kuleta, ora, syze dielli, bizhuteri, para, etj.
Sakaq, autoritetet policore në Spanjë po vazhdojnë hetimet për zbardhjen e më shumë krimeve. Duke pasur parasysh numrin e grabitjeve të kryera, të arrestuarit do të përballen me drejtësinë në Gjykatën e Vinaros.
Discussion about this post