Projektet miliarda lekëshe dhe skemat abuzive për të po fusin në sherr Veliaj me biznesmenët e tij besnik. Firma “ A L B G A R D E N” në pronësi të Pjetër Trashaj, po i anulon çdo tender për pemë. Madje pak javë më parë i “shkatërroi” planin për Pyllin Orbital. Projekt që po zhvillohej nga Drejtoria e Përgjithshme e Gjelbërimit. Ndërsa ditën e sotme ka ankimuar një tender të hapur nga Agjencia e Parqeve dhe Rekreacionit.
Në Komisionin e Prokurimeve Publike është regjistruar sot ankesa për tenderin me objekt “Blerje pemë shumëvjeçare”. Për këtë tender parashikohej që të paguheshin 999 550.00 lekë të reja. Në APP është dorëzuar vetëm njoftimi i ankesës dhe të dhënat kryesore të tenderit që është denoncuar. Por, nuk ka të ngarkuar asnjë dokument që shpjegon ankesën dhe gjetjet e denoncuesit. Në fakt kjo është një taktikë që përdoret shpesh nga KPP kur denoncohen tenderat e Bashkisë Tiranë.
Por, duhet të përmendim se së fundmi Bashkia Tiranë ka zhvilluar disa tendera për blerje dhe mbjellje pemësh për të mbuluar ndërtimin e kullave në prag zgjedhje.
Por, të gjitha këto tendera kanë marrë nga një denoncim në KPP. Secilit prej tyre Open Data Albania i ka dhënë “Flamurin e Kuq” për mungesë konkurrence ose për abuzimin me fondin limit. Denoncimi i fundit është ky që me sa duket detajet po i mbahen të fshehta.
Nuk e dimë nëse Veliaj ka prishur marrëdhëniet me “A L B G A R D E N”, po kjo e fundit ka nxjerrë në pah shkeljet dhe vjedhjet që bëhen me këto kontrata, ndërsa gjelbërimi jo vetëm që nuk shtohet por po shkatërrohet.
Kujtojmë se vetëm pak javë më parë njëjta firmë denoncoi tenderin 3 miliardë lekë për pemë në Pyllin Orbital. Pas ankesës më në fund KPP vendosi anulimin e kontratës. Duke i dhënë kështu goditjen e fundit planit për Pyllin Orbital. Ndërsa më herët janë zhvilluar të tjera tenderë gjasme për të mbjellë pemë. Të gjitha këto janë denoncuar dhe propaganda e Veliajt po dështon.
Kalvari i vjedhjeve
Pavarësisht se ky i fundit hap tendera njëherë përmes Drejtorisë së Përgjithshme të Gjelbërimit dhe njëherë përmes ARP. Por, tek të dyja drejtoritë janë evidentuar shkelje, kur vjen fjala te projektet për fasadat e hapësirave të gjelbërimit. Përmendim këtu
Tenderin që u zhvillua nga APR me objekt “Blerje pemë shumëvjeçare”, me fond limit rreth 2 miliardë lekë . Nga përllogaritjet rezulton se oferta e parë, bazuar në të njëjtat specifikime, sa i takon llojit të pemëve dhe sasisë është 742 milion lekë më pak se fondi limit. Ndërsa diferenca mes fondit limit dhe ofertës së dytë ishte rreth 228 milion lekë më pak .
Theksojmë se këto janë çmimet me pakicë. Ndërkohë me shumicë, sipas logjikës ekonomike por dhe vetë garës që duhet të sjellin tenderat, çmimet, duhet të jenë më të ulta.
Por për këtë tender gjatë rrugës ndryshuan edhe kriteret për përzgjedhjen e fituesit. Nëse në fillim Agjencia e Parqeve dhe Rekreacionit vendosi kundrejt operatorëve ofertues kriterin e disponimit të fidanishtes me sipërfaqe jo më të vogël se 30 hektarë, më vonë e ndryshoi atë. Duke e bërë fidanishte me siperfaqe jo më të vogël se 15 hektarë.
Gjithashtu uli numrin e punonjësve dhe afatit të punësimit të tyre pranë firmave pjesëmarrëse në tendera, nga 6 në 3 muaj.
Në datën 15 nëntor ishte Drejtoria e Përgjithshme e Pastrimit dhe Gjelbërimit, që shpalli tenderin me objekt “Blerje pemë dekorative për Pyllin Orbital dhe zona të ndryshme të Tiranës”, me fond limit 3 miliard lekë.
Përmes tij ajo kërkon të blejë 24.623 pemë dekorative për pyllin orbital dhe për zona të ndryshme të Tiranes. Krahas kësaj, autoriteti kontraktor ka kërkuar edhe kryerjen e disa punimeve mbështetëse ndërtimi për sistemim dhe vendosjen e 1058 pemëve dekorative.
Por ky tender sipas të dhënave të Agjencisë së Prokurimit Publik është pezulluar, për shkak të ankesës së subjektit AlbGarden pranë Komisionit të Prokurimit Publik. Ky i fundit kërkoi modifikimin e dokumenteve të procedurës së prokurimit. Në ankesë thuhet se një pjesë e kritereve të vendosura në tender është e paligjshme, nuk nxit, por zhduk garën. Shumica e mjeteve dhe makinerive të kërkuara nuk kanë lidhje me natyrën dhe objektin e prokurimit: “Blerje pemë dekorative”.
Gjithashtu në kriteret e tenderit Drejtoria e Përgjithshme e Pastrimit dhe Gjelbërimit ka vendosur dhe kërkesa jo në përputhje me ligjin. Për të cilat komisioni ka kërkuar heqjen e tyre.
Shpesh vendosja e kritereve diskriminuese dhe përjashtuese në tendera, paracakton fituesin. Me çmim shumë herë më të lartë se çdo të siguronte gara. Ndërkohë që nga ana e institucionit të Bashkisë Tiranë, janë shpenzuar miliarda lekë për blerjen e pemëve, kujdesi ndaj tyre në terren mungon.
Lexo edhe: Luftë me mizat/ Veliaj, çdo muaj 330 mln lekë për dezinfektantë
Discussion about this post