Vjen lajmi i mirë nga Britania: Nga 11 tetori do të njihet ky dokument për shtetasit shqiptar
Nga data 11 tetori, pasaportat e vaksinimit të lëshuara në Shqipëri do të njihen edhe në Britaninë e Madhe. Lajmi është bërë me dije pak minuta më parë nga ambasadori i Britanisë së Madhe në Shqipëri, Alastair King-Smith.
“Lajm i mirë për shqiptarët, britanikët dhe shtetasit e tjerë që nisen për në Mbretërinë e Bashkuar nga Shqipëria. Nga 11 tetori, certifikatat e vaksinave të lëshuara në Shqipëri do të njihen edhe në Britaninë e Madhe”, shkruan ai.
Deri më sot Britania nuk i njihte pasaportat e vaksinimit për shtetasit shqiptar, pavarësisht se me cilën vaksinë kishin marrë qytetarët.
Kjo për shkak se Britania e konsideronte Shqipërinë në një nga vendet me rrezikshmëri të lartë për përhapjen e koronavirusit.
