Seanca e Kuvendit është shoqëruar me debate të ashpra midis ministres së Financave, Delina Ibrahimaj dhe deputetëve të opozitës Jorida Tabaku dhe Gazment Bardhi.
Ministrja nisi debatin duke i konsideruar si opozita e vulës, ndërsa Bardhi e ka cilësuar si shërbëtore të oligarkëve. Në debat u përshi edhe Tabaku, e cila akuzoi ministren se është e paaftë në punën që bën dhe e korruptuar.
Debati:
Ibrahimaj: Mos fol nga vendi se nuk të shkon, hej zot.
Shifrat tregojnë që ne kemi një rritje të konsumit. Ne do vazhdojmë të kemi rritje të konsumit. Kemi pasur një sezon turistik, i cili flet vetë. Nuk ka nevojë ta them unë. Shifrat flasin vet. Ju jeni mësuar të flisni nga vendi, pa zë, të bëni shpifje.
(Gazment Bardhi flet nga vendi)
Nikolla: Mos flisni nga vendi zoti Bardhi
Bardhi: Trego kush të ka dhënë shtëpi ty, pastaj hajde na mbaj leksione
Ibrahimaj: Po hajde shife shtëpinë
Bardhi: E kam parë, e kujt është shtëpia ku jeton zotrote, shërbëtore e oligarkëve
Ndërhyn Tabaku: Të të vijë trup që më thua mua opozita e vulës, ti që vjen nga rruga, të të vijë turp.
Bardhi: Shërbëtore e oligarkëve
Tabaku: Po ta them dhe një herë, askush nuk ka paaftësinë tënde dhe askush nuk e ka korrupsionin tënd.
Discussion about this post