Një paralajmërim i fortë ka ardhur së fundmi për kryeministrin e Kosovës, Albin Kurti. Lideri i PDK Memli Krasniqi deklaroi se Kurti është lideri i fundit i gjeneratës së vjetër politike në shtetin e tij. Krasniqi shtoi ndër të tjera, se do ta drejtojë ai Kosovën.
Lexo edhe: Haradinaj-Kurtit: Nëse nuk përfill kërkesat amerikane, po rrëshqet në tradhti
Në programin “Debat Plus”, ai tha se mandati qeverisës duhet të jetë i plotë ashtu siç e kanë komunat.
“Por nëse vazhdon ky trend i qeverisjes pa vizion, që po shkakton depresion kolektiv në rritje. Numri i të rinjve që po dëshirojnë të largohen nga vendi është i madh. Me këto probleme kjo qeveri duhet të marrë fund”
Ai tha se mënyra e të bërit politikë siç po bën Kurti po i vjen fundi.
“Problemi është se opozita nuk i ka numrat në Kuvend. Në një moment të caktuar ndoshta një pjesë e deputetëve të LVV-së do të veprojnë me integritet dhe do të rrëzohet kjo qeveri”.
Sipas Krasniqit, me përfundimin e qeverisjes së Kurtit do të vjen një frymë e re e drejtuar nga PDK.
“Mënyra e të bërit politikë siç bën Albin Kurti po i vjen fundi. Albin Kurti është lideri i fundit i gjeneratës së vjetër politike në Kosovë. Me përfundimin e qeverisjes së tij do të vjen një politikë e re të cilën do ta drejtojmë ne, që do ta drejtojë unë dhe që do t’i sjellë Kosovës një tjetër lloj politike,qasje dhe tjetër lloj vizioni dhe një politikë ku do të ketë llogaridhënie e jo linçime”, tha Krasniqi.
Ai shtoi se në politikën e re të drejtuar nga ai nuk do të ketë konkurrencë dhe përçarje.
“Do të ketë konkurrencë por jo përçarje, një ku do të ketë shpresë dhe jo mashtrim”, shtoi tutje Krasniqi.
Discussion about this post