Vjosa Park Kombëtar, gazetari: Vetëm një brez 660 metra

Gazetari Gjergj Erebara shkruan se vetëm një brez prej 660 metra është shpallur Park Kombëtar nga lumi Vjosa. Në një postim në Facebook, vetëm një ditë pasi kryeministri Edi Rama dhe ministrja Mirela Kumbaro bënë prezantimin e Vjosës, Erebara ka bërë një përllogaritje të zonës që mbrohet.

Ai shton se në këtë brez të shpallur Park Kombëtar përfshihen edhe HEC Skavica e HEC Pocem që janë dhënë me koncension nga tre qeveritë, Bashkim Fino, Sali Berisha dhe Edi Rama.

“Të bëjmë pak arithmetikë!

1. 12,727 ha = 127 km2
2. Vjosa është e gjatë 272 km, nga të cilat, 192 km janë në Shqipëri.
3. 127/192=0.66 km = 660 metra. Me një fjalë, një brez prej 660 metrash përgjatë rrjedhës së lumit janë shpallur park kombëtar. Këtu përfshihen mbeturinat e HEC Skavica, dhënë me koncesion një herë nga Bashkim Fino (1997), një herë nga Berisha dhe një herë nga Rama, si dhe Hec Pocem, dhënë me koncesion një herë nga Rama”, shkruan Erebara.