Më në fund, Dusan Vlahovic është rikthyer me kohë të plotë të bëjë liderin te Juventus. Sulmuesi serb po kalon një moment fantastik, këtë e konfirmoi edhe në sfidën e fundit, atë kundër Sassuolos, ku realizoi një dy golësh shumë të bukur. Momenti i mirë që po kalon në fushë pritet të ketë një ndikim pozitiv edhe në negociatat për rinovimin e kontratës së tij aktuale.
Verën e shkuar, Vlahovic ishte me një këmbë jashtë Torinos, kjo pasi drejtuesit e klubit shihnin te Vlahovic lojtarin e duhur për të rregulluar bilancet e klubit, ndërsa vetë lojtari tundohej shumë nga ofertat e mundshme që mund të vinin nga Premier League. Diskutimi tashmë është ndryshe, të dy palët pritet të vijojnë negociatat për të zgjatur bashkëpunimin.
Vlahovic ka një kontratë që i skadon në 2026, sigurisht palët nuk e kanë me nxitim, por pozitiv është fakti që serbi i ka dhënë dritën jeshile përfaqësueseve të tij për të zgjatur “bashkëjetesën” e tij me “Zonjën e Vjetër” të paktën deri në 2027. Këtë sezon, Vlahovic ka vuajtur jo pak, për shkak të problemeve fizike, kjo ka ndikuar edhe te rendimenti i tij i cili në 18 ndeshje ka shënuar 9 gola dhe ka dhuruar 2 asiste.
Discussion about this post