Detaje nga mbledhja e PS në Pallatin e Brigadave, që u përmbyll me 7 ndryshime në qeveri.
Burime bëjnë me dije se kryeministri Edi Rama u ka thënë të tijëve në mbledhje: “Siç ju kam paralajmëruar tashmë ne jemi një ekip basketbolli dhe do të ketë ndërrime”.
Ndërsa për Ballukun mësohet të ketë thënë që është e vështirë të zëvendësohet në detyrat e saj qeveritare.
Para se Rama të lexonte emrat me ndryshime në qeveri, mësohet se ka deklaruar: “Pavarësisht karakterit të saj të fortë, doni apo nuk doni ju, Belinda Balluku për punët e saj si ministre apo edhe angazhimet politike është e zorshme të zëvendësohet”.
Ai nuk ka dhënë asnjë koment për asnjë nga emrat e larguar apo emërimet e reja, duke mos dhënë as arsye për ndryshimet.
Albana Koçiu do të marrë postin e zëvendëskryeministres, Ferit Hoxha do të jetë ministër i Jashtëm, Toni Gogu ministër i Drejtësisë, Enea Karakaçi ministër i Infrastrukturës, Eriona Ismaili ministre e Shtetit për Parlamentin dhe largohet Pirro Vengu si ministër i Mbrojtjes, të cilin do ta zëvendësojë Ermal Nushi. Besfort Lamallari nga ministër Drejtësie do të jetë tashmë ministri i ri i Brendshëm.
gijotina.com/
Discussion about this post