Armando Broja ishte një nga protagonistët kryesorë të Chelseat në barazimin përballë Manchester Cityt në “Stamford Bridge” me rezultatin 4-4.
Edhe pse hyri në minutën e 90-të të takimit, sulmuesit shqiptar i mjaftuan vetëm pak minuta për të bërë një mbrojtës të klasit botëror si Ruben Dias të bënte një ndërhyrje të gabuar dhe të fitonte një 11-metërsh që i solli Chelsea një pikë.
Prestigjiozja britanike “The Sun”, e ka vlerësuar Brojën si një nga lojtarët më të mirë në fushë për “blutë”, duke i vendosur notën 7.
“Nuk ishte për shumë në fushë, por ai bëri një impakt duke fituar një penallti për Çelsin që solli barazimin në minutën e fundit”, shkruan “The Sun” në vlerësimin për Brojën.
Discussion about this post