Vllaznia bie në Laç, teksa mposhtet 2-1 me përmbysje nga kurbinasit, duke regjistruar edhe humbjen e parë sezonale.
Shkodranët e nisën vrullshëm dhe gjetën golin e avantazhit me Boshnjakun që në minutën e tretë, por me kalimin e minutave vendasit u ngritën ndjeshëm.
Golin e barazimit Laçi i Bejzades e shënoi Somoëale në shtesën e pjesës së parë dhe më pas Tresa shënoi golin e fitores pak para fundit të takimit.
Kjo është fitorja e dytë radhazi per kurbinasit, që nën drejtimin e Skerdi Bejzades, ka nisur të funksionojë në mënyrë perfekte.
Pëson humbjen e dytë radhazi edhe Skënderbeu, këtë herë me rezultatin minimal 1-0 ndaj Teutës në Durrës.
Skuadra e Longos hodhi pas krahëve humbjen e thellë 6-1 në Laç dhe iu fal golit të të riut Arifi, për të marrë 3 pikët ndaj Skënderbeut.
Discussion about this post