Vllaznia del me pikë të plota nga stadiumi “Skënderbeu”

Vllaznia ka fituar në transfertë ndaj Skënderbeut. Në ndeshjen e zhvilluar në Korçë, ekipi shkodran fitoi me rezultatin 0-2.

Skënderbeu e pati të vështirë përballjen me shkodranët, pasi nga minuta e 34’ e ndeshjes, mbeti me 10 lojtarë.

Në krahun tjetër Vllaznia si fillim nuk ia arriti të shënonte me një nga lojtarët e saj, por ishte Dwumfour ai që shënoi autogol në minutën e 84’.

Për të dyfishuar shifrat mendoi talenti Delaj që realizoi në minutën e 95’ të sfidës.

Me këtë fitore të besuarit e Migen Memellit renditen në vendin e 5-të me 12 pikë, ndërsa Skënderbeu në vendin e 6-të, po me aq pikë sa ekipi shkodran.