Nuk mjafton muri mbrojtës dhe strategjia e Vllaznisë për ta shtyrë sa më shumë ndeshjen drejt barazimit sepse në fund Universitatea e gjen rrugën e rrjetës, tre herë madje, për të thyer shkodranët në një ndeshje pa shumë alternativa për skuadrën e Mirel Josës.
Rezistoi vetëm 45 minuta ekipi shkodran në Craiova të Rumanisë ku në pjesën e parë Zogovic shpëtoi skuadrën në disa raste, por malazezi nuk arriti të bënte më shumë. Mateiu dhe Silva e Gaman i dhanë drejtim sfidës në pjesën e dytë duke rrëzuar Vllazninë që nuk bëri asgjë në këtë ndeshje. Kuqeblutë menduan ekskluzivisht për mbrojtjen që me kalimin e minutave humbi qartësinë dhe ndeshjen.
3-0 për Universitatean, Vllaznia i jep lamtumirën Europës pas 180 minutave të luajtura mes Shkodrës dhe Craiova-s ku dha sinjale interesante por tregoi se ka ende shumë punë për të bërë. Klubi fiton 500 mijë euro nga pjesëmarrja në Europë dhe tashmë duhet të mendojë për një sezon të ngjeshur që nis pas më shumë se 3 javësh.
Discussion about this post